Andhra News: నా సస్పెన్షన్‌ ముగిసింది.. పూర్తి జీతం ఇవ్వండి: ఏబీ వెంకటేశ్వరరావు

అమరావతి: తనను ఇంకా సస్పెన్షన్‌లో కొనసాగించే అధికారం ఏపీ ప్రభుత్వానికి లేదని రాష్ట్ర ఇంటెలిజెన్స్‌ మాజీ చీఫ్‌, ఐపీఎస్‌ అధికారి ఏబీ వెంకటేశ్వరరావు అన్నారు. ఈ మేరకు ప్రభుత్వ ప్రధాన కార్యదర్శి (సీఎస్‌) సమీర్‌ శర్మకు ఆయన లేఖ రాశారు. రెండేళ్లు పూర్తయినందున సస్పెన్షన్‌ తొలగిపోయినట్లేని పేర్కొన్నారు.

సస్పెన్షన్‌ ఆరేసి నెలల చొప్పున పొడిగింపు జనవరి 27తో ముగిసిందని.. రెండేళ్లకు మించి సస్పెన్షన్‌కు కేంద్ర హోంశాఖ అనుమతి తప్పనిసరి అని లేఖలో ఏబీ వెంకటేశ్వరరావు పేర్కొన్నారు. గడువులోపు కేంద్రహోంశాఖ నుంచి అనుమతి తీసుకోనందున అది ముగిసినట్లేనని చెప్పారు. సస్పెన్షన్‌ తొలగినందున సర్వీస్‌ రూల్స్‌ ప్రకారం తనకు పూర్తి జీతం ఇవ్వాలని కోరారు.