agnipath: అగ్నివీరుల కోసం విశాఖలో ఎంపికలు!

విశాఖపట్నం: ఆంధ్రప్రదేశ్‌లోని 13 జిల్లాల అభ్యర్థులతో సహా యానాం వారి కోసం ఆర్మీ అగ్నివీర్‌ రిక్రూట్‌మెంట్‌ ర్యాలీ విశాఖలో ఏర్పాటు చేశారు. శ్రీకాకుళం, విజయనగరం, విశాఖ, తూర్పుగోదావరి, పశ్చిమగోదావరి, కృష్ణా, పార్వతీపురం మన్యం, అల్లూరి జిల్లా, అనకాపల్లి, కోనసీమ, ఏలూరు, కాకినాడ, ఎన్టీఆర్‌ జిల్లాల అభ్యర్థులకు విశాఖలో ఎంపికలు నిర్వహిస్తున్నట్టు రక్షణ శాఖ తెలిపింది. 

ఆగస్టు 14 నుంచి 31 వరకు విశాఖలోని ఇందిరా ప్రియదర్శిని స్టేడియంలో అగ్నివీరుల ఎంపికలు ఉంటాయని పేర్కొన్నారు. ఈనెల 30వ తేదీలోగా రిక్రూట్ మెంట్ ర్యాలీ రిజిస్ట్రేన్ అన్‌లైన్‌ ద్వారా చేసుకోవాలని రక్షణ శాఖ అధికారులు వెల్లడించారు. ఆగస్టు ఏడో తేదీ నుంచి అడ్మిట్ కార్డులు ఆన్ లైన్ ద్వారా జారీ చేస్తామని తెలిపారు. ఆర్మీ కాలింగ్ మొబైల్ యాప్ ద్వారా అభ్యర్ధుల సందేహాలను తీర్చుకునే అవకాశం కల్పించారు. విశాఖ ఆర్మీ రిక్రూట్‌మెంట్‌ కార్యాలయానికి ఫోన్ చేసి (0891-2756959,0891-2754680) తమ సందేహాలు నివృత్తి చేసుకోవచ్చని పేర్కొన్నారు.