Published : 05 Aug 2021 01:51 IST

Viral video: అటు పతకం గెల్చి.. ఇటు ప్రేమను పొంది..

డైవింగ్‌లో రజతం గెల్చిన కెనడా క్రీడాకారిణికి అపురూప అనుభవం

ఒట్టావా: టోక్యో ఒలింపిక్స్‌లో పతకం సాధించి తిరిగి వచ్చిన ఏ క్రీడాకారిణికి ఇంతకు మించిన ఆహ్వానం లభించి ఉండకపోవచ్చు! కెనడాకు చెందిన ఓ డైవర్‌ అలా ఊహించని అనుభవం ఎదుర్కొంది. స్వదేశానికి చేరుకున్న వెంటనే ఎయిర్‌పోర్ట్‌లో తన స్నేహితుడి నుంచి రొమాంటిక్ ప్రపోజల్‌ను అందుకుంది. 

జెన్నిఫర్ అబెల్ టోక్యో ఒలింపిక్స్‌లో డైవింగ్‌లో రజత పతకాన్ని సాధించింది. తన సహచరులతో కలసి సోమవారం స్వదేశం కెనడాకు చేరుకుంది. విమానాశ్రయంలో ఆమెకు ఆహ్వానం పలికిన ఆమె స్నేహితుడు.. ఇదే మంచి సందర్భంగా భావించి తన ఇష్టసఖికి ప్రేమను వెల్లడించాడు. మోకాళ్లపై వంగి, డైమండ్ రింగ్‌ను తొడిగి రొమాంటిక్‌గా తన ప్రేమను వ్యక్తపరిచాడు. దాంతో ఒక్కసారిగా ఆశ్చర్యపోయిన జెన్నిఫర్.. ఆనందంతో ఉప్పొంగిపోయింది. తన కుటుంబ సభ్యులు, స్నేహితుల సమక్షంలో తన ప్రేమను అంగీకరించింది. మొదట ఈ వీడియో టీమ్ కెనడా ఖాతాలో షేర్ కాగా, దాన్ని ఒలింపిక్స్ ట్విటర్ ఖాతా రీట్వీట్ చేసింది. ‘ఒలింపిక్ పతకం నుంచి డైమండ్ రింగ్ వరకు.. జెన్నిఫర్ వేడుక జరుపుకోవడానికి చాలా విషయాలున్నాయి’ అంటూ టీమ్ కెనడా రాసుకొచ్చింది. ఇప్పుడీ వీడియో నెట్టింట్లో వైరల్‌గా మారింది. 


Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని