#AirtelDown: ఎయిర్‌టెల్‌ సేవలకు అంతరాయం.. సోషల్‌ మీడియాలో యూజర్ల ఫిర్యాదు

ఇంటర్నెట్‌ డెస్క్‌: ప్రముఖ టెలికాం సంస్థ ఎయిర్‌టెల్‌ (Airtel) సేవలకు అంతరాయం ఏర్పడింది. బుధవారం సాయంత్రం 4 నుంచి 5 గంటల మధ్య దాదాపు గంట పాటు ఆ కంపెనీ సేవలు నిలిచిపోయాయి. దీనిపై పలువురు ఎయిర్‌టెల్‌ యూజర్లు సోషల్‌ మీడియాలో ఫిర్యాదు చేశారు. ఎయిర్‌టెల్‌ నెట్‌వర్క్‌ సిగ్నల్‌ రావడం లేదని, ఇంటర్నెట్‌ యాక్సెస్‌ చేయలేకపోతున్నామంటూ #AirtelDown హ్యాష్‌ట్యాగ్‌తో ట్వీట్లు చేశారు. దాదాపు గంట తర్వాత సేవలు తిరిగి అందుబాటులోకి వచ్చాయి.

డౌన్‌ ట్రాకర్‌ వెబ్‌సైట్‌ ప్రకారం.. సాయంత్రం 4 నుంచి ఈ సమస్య మొదలైనట్లు తెలుస్తోంది. ఎయిర్‌టెల్‌ టెలికాం సేవలతో పాటు ఎయిర్‌టెల్‌ బ్రాడ్‌బ్యాండ్‌, ఎయిర్‌టెల్‌ డీటీహెచ్‌ సేవల్లో సైతం ఈ లోపం తలెత్తినట్లు సమాచారం. కొందరికి మొబైల్‌లో సిగ్నల్‌ వస్తున్నప్పటికీ మెసేజులు వెళ్లడంలో ఇబ్బందులు ఎదుర్కొంటున్నామని ఫిర్యాదు చేశారు. ఏపీ, తెలంగాణ సహా కర్ణాటక, కేరళ, తమిళనాడు, దిల్లీకి చెందిన యూజర్లు కూడా దీనిపై ఫిర్యాదులు చేశారు. సాయంత్రం 5 గంటల తర్వాత క్రమంగా ఫిర్యాదుల సంఖ్య తగ్గింది.

► Read latest General News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.