corona: గ్రామీణ అంబులెన్సు

అమరావతి: కరోనా కారణంగా ఎంతోమంది ఊపిరాగింది. వైద్యం అందక కొంతమంది, సరైన సమయంలో ఆసుపత్రికి చేరలేక మరికొంతమంది మరణించారు. అలాంటి పరిస్థితులను చూసి చలించిపోయిన అనంతపురానికి చెందిన ఓ మిత్రబృందం గ్రామీణ ప్రజల కోసం అన్ని సౌకర్యాలతో కూడిన డ్రైవర్ లేని అంబులెన్సులను రూపొందించింది. అత్యవసర వైద్యం అందించాల్సిన రోగికోసం ఈ అంబులెన్సును ఎక్కడికైనా తీసుకెళ్లేలా సిద్ధం చేశారు. ఎం.జి చారిటీస్‌ పేరుతో మూడు లక్షలు వెచ్చించి మూడు అంబులెన్సులను తయారుచేయించారు. మరో వాహనానికి తగిలించి తీసుకెళ్లేందుకు వీలుగా వీటిని రూపొందించారు. ప్రజల అవసరాల నిమిత్తం ఇలాంటివి మరిన్ని తయారు చేయిస్తామని దాతలు చెబుతున్నారు.