Updated : 09 Nov 2021 01:33 IST

Anand Mahindra: ‘ఈ వీడియోకు కాలం చెల్లుతుందని అనుకోను’

ఇంటర్నెట్‌ డెస్క్‌: వ్యాపార దిగ్గజం ఆనంద్‌ మహీంద్రా సామాజిక మాధ్యమాల్లో ఎప్పటికప్పుడు ప్రేరణ కలిగించే, ఆలోచన రేకెత్తించే పోస్టులు పెడుతుంటారన్న విషయం తెలిసిందే. ఇదే క్రమంలో తాజాగా ఆయన ట్విటర్‌ ఖాతాలో మరో స్ఫూర్తిదాయక వీడియోను పోస్ట్‌ చేస్తూ.. తనదైన శైలిలో వ్యాఖ్యానాన్ని జోడించారు. ఓ చిన్నారి పట్టువదలకుండా వాల్‌ క్లైంబింగ్‌(గోడ ఎక్కడం) చేస్తున్నట్లు ఆ వీడియోలో ఉంది. వెనుక సందేశపూరిత వాక్యాలు వస్తుంటాయి. నెట్టింట్లో ఈ పోస్ట్‌ కాస్త వైరల్‌గా మారింది.

‘ఈ వీడియో కొన్నేళ్ల క్రితం నాటిది. కానీ.. దీనికి కాలం చెల్లుతుందని అనుకోను. ఎప్పటికీ దీన్ని పోస్ట్‌ చేస్తూనే ఉంటా. ప్రత్యేకించి కొన్ని వ్యక్తిగత లేదా వ్యాపార సంబంధిత లక్ష్యాలు అసాధ్యంగా అనిపించినప్పుడు! ఆ మరుక్షణమే నా భయాలన్నీ తొలగిపోతాయి’ అని ఆనంద్ మహీంద్రా ఆ వీడియోకు క్యాప్షన్ జోడించారు. ఎంతో సందేశాత్మకంగా ఉందంటూ నెటిజన్లు ఈ పోస్ట్‌పై స్పందిస్తున్నారు. ‘సోమవారాన్ని ప్రారంభించేందుకు ఇంతకంటే మంచి వీడియో ఉండదు’ అని ఒకరు.. ‘ఎలాంటి పరిస్థితులు ఎదురైనా ధైర్యాన్ని కోల్పోకూడదని ఈ బాలుడు నేర్పుతున్నాడు’ అని మరొకరు..  ఇలా వరుస కామెంట్లు పెడుతున్నారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని