Andhra News: అంగన్వాడీ సూపర్‌ వైజర్‌ పోస్టుల నోటిఫికేషన్‌పై న్యాయ నిపుణుల సలహా: అనురాధ

అంగన్వాడీ సూపర్‌వైజర్‌ (గ్రేడ్‌-2) (పదోన్నతి పరీక్ష) నియామకం నోటిఫికేషన్‌ రద్దుపై న్యాయ నిపుణుల సలహామేరకు ముందుకెళ్తామని స్త్రీ, శిశు సంక్షేమశాఖ ముఖ్య కార్యదర్శి అనురాధ తెలిపారు. నోటిఫికేషన్‌ రద్దుపై సీఎం జగన్‌ కూడా సానుకూలత వ్యక్తం చేశారని వెల్లడించారు.

Updated : 30 Sep 2022 22:47 IST

అమరావతి: అంగన్వాడీ సూపర్‌వైజర్‌ (గ్రేడ్‌-2) (పదోన్నతి పరీక్ష) నియామకం నోటిఫికేషన్‌ రద్దుపై న్యాయ నిపుణుల సలహామేరకు ముందుకెళ్తామని స్త్రీ, శిశు సంక్షేమశాఖ ముఖ్య కార్యదర్శి అనురాధ తెలిపారు. నోటిఫికేషన్‌ రద్దుపై సీఎం జగన్‌ కూడా సానుకూలత వ్యక్తం చేశారని వెల్లడించారు. హైకోర్టు ఆదేశాల మేరకు ఇప్పటికే ఫలితాలను నిలుపుదల చేశామని వెల్లడించారు. 55,607 అంగన్వాడీలు ఉండగా.. ప్రతి 25 అంగన్వాడీలకు ఒక సూపర్‌ వైజర్‌ ఉండాలి. ప్రస్తుతం అంతర్గతంగా చేపట్టిన నియమాక నోటిఫికేషన్‌లో 60 అంగన్వాడీలకు ఒక సూపర్‌ వైజర్‌ మాత్రమే ఉన్నారని, దీంతో 560 అంగన్వాడీ సూపర్‌ వైజర్‌ పోస్టుల భర్తీ కోసం నోటిఫికేషన్‌ జారీ చేశామని ప్రభుత్వం వెల్లడించింది.

దాదాపు 21వేల మంది అభ్యర్థులు పరీక్షలు రాశారు. మొత్తం 50 మార్కులకుగాను 45 మార్కులకు రాత పరీక్ష, 5 మార్కులకు స్పోకెన్‌ ఇంగ్లీష్ టెస్ట్‌ నిర్వహించినట్టు అధికారులు స్పష్టం చేశారు. అయితే, 21వేల మంది స్పోకెన్‌ ఇంగ్లిష్ వీడియో చూడాలంటే కష్టం కాబట్టీ .. మెరిట్‌ లిస్ట్‌లో ఉన్నవారు మాత్రమే స్పోకెన్‌ ఇంగ్లీష్ విడియోలు అప్‌లోడ్‌ చేయాలని అధికారులు సూచించారు. రూల్‌ ఆప్‌ రిజర్వేషన్‌ ప్రకారం పరీక్ష నిర్వహించామని, ఫలితాల వివరాలు ఎక్కడా బయటపెట్టలేదని ప్రభుత్వం స్పష్టం చేసింది. ఈ ప్రక్రియ మొత్తం పూర్తయ్యాక కీ విడుదల చేయాల్సి ఉంది. ఈ నేపథ్యంలో కొందరు అభ్యర్థులు హైకోర్టును ఆశ్రయించడంతో ఫలితాల విడుదలను నిలిపివేయాలని న్యాయస్థానం ఆదేశించింది. 1190 మంది అభ్యర్థుల నుంచి స్పోకెన్‌ ఇంగ్లిష్‌ వీడియోలు తెప్పించినట్టు ప్రభుత్వం ప్రకటించింది. 

Read latest General News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని