Breaking | Feedback | ePratibha | E-PAPER | Pratibha

TS Job notification: తెలంగాణలో మరో నాలుగు ఉద్యోగ నోటిఫికేషన్లు విడుదల

తెలంగాణ పబ్లిక్‌ సర్వీస్‌ కమిషన్‌ ఇవాళ మరో 4 ఉద్యోగ నోటిఫికేషన్లు విడుదల చేసింది. వివిధ విభాగాల్లో 806 పోస్టులను భర్తీ చేయనున్నారు.

Updated : 31 Dec 2022 20:25 IST

హైదరాబాద్‌: తెలంగాణలో కొలువుల జాతర కొనసాగుతోంది. తాజాగా ఇవాళ మరో నాలుగు ఉద్యోగ నోటిఫికేషన్లు విడుదలయ్యాయి. పురపాలకశాఖలో 78 పోస్టుల భర్తీకి టీఎస్‌పీఎస్సీ నోటిఫికేషన్‌ విడుదల చేసింది. ఇందులో 64 సీనియర్‌ అకౌంటెంట్‌, 13 జూనియర్‌ అకౌంటెంట్‌, ఒక అకౌంట్స్‌ ఆఫీసర్‌ పోస్టులు ఉన్నాయి. జనవరి 20 నుంచి ఫిబ్రవరి 11 వరకు దరఖాస్తులు స్వీకరిస్తామని టీఎస్‌పీఎస్సీ తెలిపింది.

* విద్యాశాఖలో 71 లైబ్రేరియన్‌ పోస్టుల భర్తీకి నోటిఫికేషన్‌ వెలువడింది. ఇంటర్‌ కమిషనరేట్‌లో 40 లైబ్రేరియన్‌ పోస్టులు, సాంకేతిక విద్యాశాఖలో 31 లైబ్రేరియన్‌ పోస్టులు భర్తీ చేయనున్నారు. జనవరి 21 నుంచి ఫిబ్రవరి 10 వరకు దరఖాస్తులు స్వీకరిస్తామని టీఎస్‌పీఎస్సీ తెలిపింది.

* కళాశాల విద్యాశాఖలో 544 ఉద్యోగాల భర్తీకి టీఎస్‌పీఎస్సీ మరో నోటిఫికేషన్‌ విడుదల చేసింది. డిగ్రీ కాలేజీల్లో లెక్చరర్లు, ఫిజికల్‌ డైరెక్టర్లు, లైబ్రేరియన్ల పోస్టులను భర్తీ చేయనున్నారు. జనవరి 31 నుంచి ఫిబ్రవరి 20 వరకు దరఖాస్తులు స్వీకరించనున్నట్టు టీఎస్‌పీఎస్సీ అధికారులు తెలిపారు. మే లేదా జూన్‌లో నియామక పరీక్ష ఉంటుందని పేర్కొన్నారు.

* 113 అసిస్టెంట్‌ మోటర్‌ వెహికల్‌ ఇన్‌స్పెక్టర్‌ (ఏఎంవీఐ) పోస్టుల భర్తీకి టీఎస్‌ పీఎస్సీ నోటిఫికేషన్‌ విడుదల చేసింది. ఫిబ్రవరి 1 నుంచి ఏప్రిల్‌ 23 వరకు దరఖాస్తులు స్వీకరించనున్నట్టు తెలిపింది. మే లేదా జూన్‌లో నియామక పరీక్షఉంటుందని టీఎస్‌పీఎస్సీ వెల్లడించింది.

► Read latest General News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.