ఏపీలో నేడు జాబ్‌ క్యాలెండర్‌ విడుదల 

అమరావతి: ఏపీలోని వివిధ శాఖల్లో ఖాళీగా ఉన్న ఉద్యోగాలను భర్తీ చేయాలని ప్రభుత్వం నిర్ణయించింది. ఏయే శాఖల్లో ఎన్ని ఖాళీలు ఉన్నాయో సమగ్ర సమాచారాన్ని శాఖల వారీగా సేకరించి ఖాళీల నివేదికను ప్రభుత్వం సిద్ధం చేసింది. శుక్రవారం ఉదయం 11 గంటలకు జాబ్‌ క్యాలెండర్‌ను ముఖ్యమంత్రి జగన్‌ మోహన్‌ రెడ్డి విడుదల చేయనున్నారు. ఉద్యోగాలను ఏపీపీఎస్సీ ద్వారా భర్తీ చేయనున్నారు. వివిధ శాఖల్లో అవసరాల మేరకు ఉద్యోగాల భర్తీ జరుగనుంది. ఆర్థికశాఖ ఆమోదంతో విడతలవారీగా పరీక్షలు చేపట్టాలని ఏపీపీఎస్సీ నిర్ణయించింది. విద్య, వైద్యం, పోలీసు శాఖల్లో ఖాళీగా ఉన్న పోస్టుల భర్తీకీ అధిక ప్రాధాన్యం ఇవ్వనున్నారు. రెగ్యులర్‌, కాంట్రాక్ట్‌, ఔట్‌సోర్సింగ్‌తో  కలిపి మొత్తం 10,143 ఉద్యోగాలను ఏపీపీఎస్సీ ద్వారా భర్తీ చేయనున్నారు.