Andhra News: మరో రూ.వెయ్యి కోట్ల అప్పు చేసిన ఏపీ ప్రభుత్వం

అమరావతి: రిజర్వు బ్యాంకులో సెక్యూరిటీల వేలం ద్వారా ఆంధ్రప్రదేశ్ ప్రభుత్వం మరో రూ.వెయ్యి కోట్ల రుణం తీసుకుంది. రూ.500 కోట్ల చొప్పున రెండు లాట్లుగా సెక్యూరిటీ బాండ్లను వేలం వేశారు. 6 ఏళ్ల కాలపరిమితితో వేలం వేసిన సెక్యూరిటీ బాండ్లకు 7.6శాతం మేర ప్రభుత్వం వడ్డీ చెల్లించనుంది. 2028 నాటికి సెక్యూరిటీ బాండ్లు పూర్తిగా చెల్లించేలా కాలపరిమితి నిర్దేశించారు. 12 ఏళ్ల కాలపరిమితితో వేలం వేసిన సెక్యూరిటీ బాండ్లకు 7.71శాతం మేర ప్రభుత్వం వడ్డీ చెల్లించనుంది. 2022 ఏప్రిల్‌ 1 నుంచి ఇప్పటి వరకు సెక్యూరిటీ బాండ్ల వేలం ద్వారా రూ.45,890 కోట్ల రుణాన్ని ప్రభుత్వం తీసుకుంది.