TTD: ప్రత్యేక అథారిటీ ఏర్పాటు

తిరుమల: తిరుమల తిరుపతి దేవస్థానం (తితిదే) పాలకమండలి గడువు ముగిసింది. ఈ నేపథ్యంలో ప్రత్యేక అథారిటీని ఏర్పాటు చేస్తూ ఆంధ్రప్రదేశ్‌ ప్రభుత్వం నోటిఫికేషన్  విడుదల చేసింది. ఈ ప్రత్యేక అథారిటీ ఛైర్మన్‌గా తితిదే ఈవో జవహర్‌ రెడ్డి, కన్వీనర్‌గా అదనపు ఈవోను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ఈ ప్రత్యేక అథారిటీ తక్షణమే అమల్లోకి వస్తుందని ఉత్తర్వుల్లో పేర్కొంది. పాలకమండలి అధికారాలన్నీ అథారిటీకి ఉంటాయని రాష్ట్ర ప్రభుత్వం స్పష్టం చేసింది. పాలక మండలి గడువు ఈనెల 21తో ముగియడంతో ఈ ప్రత్యేక అథారిటీని ఏర్పాటు చేస్తూ నోటిఫికేషన్ ఇచ్చారు.