AP High Court: పీఆర్సీ జీవోలపై పిటిషన్.. విచారణకు స్వీకరించిన హైకోర్టు

అమరావతి: ఏపీలో ఇటీవల విడుదలైన పీఆర్సీ జీవోలకు సంబంధించి దాఖలైన పిటిషన్‌ను హైకోర్టు విచారణకు స్వీకరించింది. సర్వీస్‌ బెనిఫిట్స్‌ తగ్గించడంపై ఏపీ గెజిటెడ్‌ ఆఫీసర్స్‌ ఐకాస అధ్యక్షుడు కెవీ కృష్ణయ్య ఉన్నత న్యాయస్థానంలో పిటిషన్‌ దాఖలు చేశారు. ప్రతివాదులుగా ఏపీ ప్రభుత్వం, ఆర్థిక, రెవెన్యూ ముఖ్యకార్యదర్శులు, కేంద్ర ప్రభుత్వం, పే రివిజన్‌ కమిషన్‌ను చేర్చారు. ఈ పిటిషన్‌ను విచారణకు స్వీకరించిన హైకోర్టు వచ్చే సోమవారం విచారణ జరపనుంది.