AP HighCourt: మూడు రాజధానులు, సీఆర్డీఏ రద్దు బిల్లులుపై విచారణ వాయిదా

అమరావతి: మూడు రాజధానులు, సీఆర్డీఏ రద్దు బిల్లులపై హైకోర్టులో విచారణ జరిగింది. ఇప్పటికే రెండు బిల్లులను రాష్ట్ర ప్రభుత్వం వెనక్కి తీసుకుంది. వెనక్కి తీసుకున్న బిల్లులపై విచారణ జరపాలా? వద్దా? దానిపై విచారణ చేపట్టింది. హైకోర్టులో పిటిషనర్ల తరఫున న్యాయవాదులు వాదనలు వినిపిస్తూ.. మూడు రాజధానులు, సీఆర్డీఏ రద్దు బిల్లులపై విచారణ కొనసాగించాలని విజ్ఞప్తి చేశారు. తుది తీర్పు ఇవ్వకపోతే ప్రభుత్వం మళ్లీ బిల్లులు పెడుతుందని న్యాయవాదులు వాదించారు. రాజధానిలో కనీసం అభివృద్ధి పనులు చేపట్టలేదన్నారు. అమరావతి కార్పొరేషన్‌ పేరిట గ్రామ సభలు జరపాలని న్యాయవాదులు కోరారు. తదుపరి విచారణను వచ్చే నెల 2కి హైకోర్టు ధర్మాసనం వాయిదా వేసింది.