job notification: సివిల్‌ జడ్జి పోస్టులకు ఏపీ హైకోర్టు నోటిఫికేషన్‌.. వేతనం ఎంతంటే?

అమరావతి: న్యాయశాఖలో ఖాళీగా ఉన్న పలు ఉద్యోగాల భర్తీకి ఏపీ హైకోర్టు(AP High court) నోటిఫికేషన్‌ విడుదలైంది. మొత్తం 30 సివిల్‌ జడ్జి (జూనియర్‌ డివిజన్‌) పోస్టుల భర్తీకి అమరావతిలోని రాష్ట్ర ఉన్నత న్యాయస్థానం దరఖాస్తులు ఆహ్వానిస్తోంది. అర్హులైన అభ్యర్థులు ఈ నెల 17 నుంచి ఏప్రిల్‌ 6వ తేదీ వరకు ఆన్‌లైన్‌లో దరఖాస్తులు చేసుకోవచ్చని హైకోర్టు రిజిస్ట్రార్‌ (రిక్రూట్‌మెంట్‌) ఓ ప్రకటనలో తెలిపారు. ఈ ఉద్యోగాల్లో  డైరెక్ట్ రిక్రూట్‌మెంట్ ప్రాతిపదికన 24 ఖాళీలు, బదిలీల ద్వారా మరో 6 ఖాళీల్ని భర్తీ చేయనున్నట్టు పేర్కొన్నారు.

నోటిఫికేషన్‌లో ముఖ్యాంశాలు..

• మొత్తం పోస్టుల సంఖ్య: 30
• అర్హత: న్యాయశాస్త్రంలో బ్యాచిలర్స్ డిగ్రీ తప్పనిసరి
• వయోపరిమితి: 01-03-2023 నాటికి 35 ఏళ్లు మించరాదు. 
• వేతనం: రూ.77,840 – రూ.1,36,520
• ఎంపిక ప్రక్రియ: స్క్రీనింగ్ టెస్ట్ (కంప్యూటర్ ఆధారిత స్క్రీనింగ్‌ టెస్ట్), రాత పరీక్ష, మౌఖిక పరీక్ష, ధ్రువపత్రాల పరిశీలన. స్క్రీనింగ్‌పరీక్ష ఫలితాలు వెల్లడించిన తర్వాత రాత పరీక్షనిర్వహిస్తారు.
• అప్లికేషన్‌ ఫీజు: ఓపెన్‌ కేటగిరీ/ఈడబ్ల్యూఎస్‌/బీసీ కేటగిరీకి చెందిన అభ్యర్థులు రూ.1500 చెల్లించాలి. ఎస్సీ/ఎస్టీ/దివ్యాంగ అభ్యర్థులైతే రూ.750లు చెల్లిస్తే సరిపోతుంది.
• స్క్రీనింగ్‌ టెస్ట్‌ సెంటర్లు: గుంటూరు, కర్నూలు, రాజమహేంద్రవరం, తిరుపతి, విజయవాడ, విశాఖపట్నం. అభ్యర్థులు ఏవైనా మూడు కేంద్రాలను ప్రాధాన్యతల వారీగా ఆప్షన్‌ పెట్టుకోవచ్చు.

ఇవి గుర్తు పెట్టుకోండి..

• ఆన్‌లైన్‌ దరఖాస్తులు ప్రారంభం: మార్చి 17 నుంచి
• దరఖాస్తులకు తుది గడువు: ఏప్రిల్‌ 6
• స్క్రీనింగ్ టెస్ట్‌ హాల్‌ టిక్కెట్ల డౌన్‌లోడ్‌: ఏప్రిల్‌ 15
• కంప్యూటర్‌ ఆధారిత స్క్రీనింగ్‌ టెస్ట్‌: ఏప్రిల్‌ 24 (ఉదయం 8.30గంటల నుంచి 10.30గంటలవరకు)
• ప్రిలిమినరీ కీ/అభ్యంతరాల స్వీకరణ: ఏప్రిల్‌ 27

పూర్తి నోటిఫికేషన్‌ కోసం క్లిక్‌ చేయండి