AP News: 12శాతం వడ్డీతో ఉపాధి హామీ పథకం బిల్లులు చెల్లించాలి: హైకోర్టు

అమరావతి: ఉపాధిహామీ పథకం బిల్లుల చెల్లింపుపై ఏపీ హైకోర్టు కీలక తీర్పు వెలువరించింది. మొత్తం 1,013 పిటిషన్లపై విచారణ చేపట్టిన ధర్మాసనం మంగళవారం తీర్పు వెల్లడించింది.  నాలుగు వారాల్లో పెండింగ్‌ బిల్లులు చెల్లించాలని ప్రభుత్వాన్ని ఆదేశించింది. 20శాతం తగ్గించి చెల్లిస్తామన్న ప్రభుత్వ జీవోను ధర్మాసనం కొట్టివేసింది. బకాయిలను ఏడాదికి 12శాతం వడ్డీతో సహా చెల్లించాలని న్యాయస్థానం స్పష్టం చేసింది. ఉత్తర్వులు అమలు చేయకుంటే కోర్టు ధిక్కరణ చర్యలకు వెనుకాడబోమని హైకోర్టు తెలిపింది. 20శాతం మేర బిల్లుల తగ్గింపు సర్క్యులర్లను కొట్టివేస్తున్నట్టు ధర్మాసనం ప్రకటించింది.