రూ.1,168 కోట్ల ప్యాకేజీతో ఆదుకున్నాం: గౌతంరెడ్డి

అమరావతి: రాష్ట్రంలో సూక్ష్మ, చిన్న, మధ్య తరహా పరిశ్రమలను ఆదుకున్నామని ఏపీ పరిశ్రమలశాఖ మంత్రి గౌతమ్‌రెడ్డి తెలిపారు. ఇందుకోసం రూ. 1,168 కోట్ల రీస్టార్ట్‌ ప్యాకేజీ ఇచ్చామని చెప్పారు. ఏపీ ఆర్థిక పురోగతిపై మంత్రి వర్చువల్‌ సమావేశం ఏర్పాటు చేశారు. ఈ సందర్భంగా మాట్లాడుతూ ‘‘పరిశ్రమల వెసులుబాటుకు రూ. 188 కోట్ల విద్యుత్‌ స్థిర ఛార్జీలు మాఫీ చేశాం. కార్మికులు సొంతూళ్లకు వెళ్లడంతో పనులకు ఆటంకం కలుగుతోంది. కీలక రంగాలతో ఆర్థిక బలోపేతానికి మార్గాలు అన్వేషిస్తున్నాం. వలసలను స్థానిక పరిశ్రమల్లోకి వినియోగించుకునే అంశంపై ఆలోచిస్తున్నాం’’అని గౌతమ్‌రెడ్డి తెలిపారు.