Updated : 22 Jul 2021 12:43 IST

ఏలూరు ఓట్ల లెక్కింపు తేదీ వెల్లడించిన ఎస్‌ఈసీ

ఏర్పాట్లు చేయాలని ఆదేశం

అమరావతి: ఏలూరు నగరపాలక సంస్థ ఎన్నికల ఓట్ల లెక్కింపునకు రాష్ట్ర ఎన్నికల సంఘం (ఎస్‌ఈసీ) తేదీని ప్రకటించింది. ఈనెల 25న ఓట్ల లెక్కింపు చేపట్టి ఫలితాలు వెల్లడించనున్నట్లు తెలిపింది. ఈ మేరకు రాష్ట్ర ఎన్నికల కమిషనర్‌ నీలం సాహ్ని ఉత్తర్వులు జారీ చేశారు. కొవిడ్‌ నిబంధనల మేరక లెక్కింపు ప్రక్రియ చేపట్టాలని అధికార యంత్రాంగాన్ని ఎస్‌ఈసీ ఆదేశించింది.

ఏలూరు నగరపాలక సంస్థకు మార్చి 10న ఎన్నికలు జరిగాయి. ఓటర్ల జాబితాలో తప్పులు దొర్లాయంటూ కొంతమంది హైకోర్టును ఆశ్రయించారు. దీంతో ఓట్ల లెక్కింపు నిలిపేయాలని ఉన్నత న్యాయస్థానం ఆదేశించింది. అనంతరం విచారణ చేపట్టిన హైకోర్టు.. ఓట్ల లెక్కింపు ప్రక్రియకు గ్రీన్‌సిగ్నల్‌ ఇచ్చింది. ఈ నేపథ్యంలో ఓట్ల లెక్కింపు, ఫలితాల వెల్లడికి ఏర్పాట్లు చేయాల్సిందిగా ఎస్‌ఈసీ తాజాగా ఆదేశాలు జారీచేసింది.

Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts