Updated : 08 Jun 2021 17:29 IST

కొవిడ్‌ సంక్షోభంలోనూ వృద్ధి సాధించాం: గౌతంరెడ్డి

ఏపీ పరిశ్రమలు, ఐటీ శాఖ మంత్రి మేకపాటి గౌతంరెడ్డి

అమరావతి: రాష్ట్రంలో కొవిడ్ పరిస్థితులు నెలకొన్నప్పటికీ 1.5 శాతం మేర వృద్ధి రేటు నమోదు చేసినట్లు ఏపీ పరిశ్రమలు, ఐటీ శాఖ మంత్రి మేకపాటి గౌతంరెడ్డి వెల్లడించారు. సంక్షేమ పథకాలు, దీర్ఘకాలిక ప్రణాళికతోనే ఇది సాధ్యమైందన్నారు. రాష్ట్ర పరిశ్రమల శాఖ మంత్రిగా రెండేళ్ల పదవీకాలం పూర్తి చేసుకున్న సందర్భంగా మంత్రి గౌతం రెడ్డిని ఏపీఐఐసీ ఛైర్‌పర్సన్‌ రోజా సత్కరించారు. ఈ సందర్భంగా ఆయన మీడియాతో మాట్లాడారు. పెట్టుబడుల ఆకర్షణకు మౌలిక సదుపాయాలు ఎంతో అవసరమన్నారు. ఆక్వా, ఫార్మా, ఖనిజ రంగాల్లో దేశంలోనే రాష్ట్రం అగ్రస్థానంలో కొనసాగుతోందని వెల్లడించారు.

రామాయపట్నం, భావనపాడు, మచిలీపట్నం పోర్టుల నిర్మాణంపై దృష్టి సారించినట్లు మంత్రి చెప్పారు. జులైలో నాలుగు ఫిషింగ్‌ హార్బర్ల నిర్మాణం ప్రారంభించామని.. రెండో దశలో మరిన్ని ఫిషింగ్‌ హార్బర్లు వస్తాయన్నారు. ఇప్పటికే కర్నూలు విమానాశ్రయం జాతికి అంకితం  చేశామని .. భోగాపురం విమానాశ్రయ నిర్మాణం త్వరిగతిన పూర్తయ్యేలా చర్యలు తీసుకుంటున్నట్లు తెలిపారు. వైకాపా.. ఒప్పందాలు మాత్రమే చేసుకునే ప్రభుత్వం కాదని వ్యాఖ్యానించారు. కడప జిల్లా కొప్పర్తిలో ఎలక్ట్రానిక్‌ తయారీ క్లస్టర్‌ రాబోతోందని.. స్టీల్‌ ప్లాంట్‌ నిర్మాణానికి ఎస్సార్‌ స్టీల్‌ ముందుకొచ్చిందని ఈ సందర్భంగా మంత్రి వివరించారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని