Andhra News: ఆ రోజే సీఎంవోను బైక్‌లతో చుట్టుముడతాం: యూటీఎఫ్

అమరావతి: ఏపీలో ఉద్యోగ, ఉపాధ్యాయుల ప్రధాన డిమాండ్‌ కాంట్రిబ్యూటరీ పింఛన్‌ విధానం (సీపీఎస్‌)ను ఈనెల 25 లోపు రద్దు చేస్తున్నట్లు సీఎం ప్రకటించాలని యూటీఎఫ్‌ డిమాండ్‌ చేసింది. లేనిపక్షంలో అదే రోజున బైకులతో సీఎంవోను చుట్టుముడుతామని యూటీఎఫ్‌ నాయకులు హెచ్చరించారు. 2 లక్షల మంది ఉద్యోగ, ఉపాధ్యాయులతో సీపీఎస్‌ ముడిపడి ఉందని తెలిపారు. ఈనెల 24లోపు సీఎంతో ఉపాధ్యాయుల సమావేశం ఏర్పాటు చేయాలని యూటీఎఫ్‌ నాయకులు డిమాండ్‌ చేశారు. మేనిఫెస్టోను భగవద్గీత, బైబిల్‌, ఖురాన్‌లా భావిస్తున్నామని సీఎం చెప్పారని వారు గుర్తు చేశారు. మేనిఫెస్టోలోని హామీనే తాము అడుగుతున్నట్లు యూటీఎఫ్‌ నాయకులు చెప్పారు.