Updated : 09 Dec 2021 16:38 IST

భూమికి చేరువగా గ్రహశకలం 

వాషింగ్టన్‌: బోయింగ్ విమానం కంటే పరిమాణంలో పెద్దదైన గ్రహశకలం భూమికి చేరువగా వస్తున్నట్లు నాసా వెల్లడించింది. ఆస్టరాయిడ్‌ 2020ఆర్‌కే2 పేరుతో పిలవబడే ఈ గ్రహశకలం బుధవారం రాత్రి భూకక్ష్యను దాటనున్నట్లు నానా ప్రకటించింది. సెకనుకు 6.68 కిలోమీటర్ల వేగంతో గ్రహశకలం భూమి వైపు కదులుతోందని తెలిపింది. భూమి ఉపరితలానికి 38 కోట్ల కిలోమీటర్ల దూరంలో ఉన్న ఈ గ్రహశకలం వల్ల భూమికి నష్టం కలిగే ఆస్కారం చాలా చాలా తక్కువగా ఉన్నట్లు ఈ అంతరిక్ష పరిశోధన సంస్థ పేర్కొంది.

ఇది భూమికి దగ్గరగా వస్తున్నప్పటికీ ఖగోళ శాస్త్రవేత్తలు దీన్ని భూమి నుంచి చూసేందుకు అవకాశం లేదని నాసా తెలిపింది. ఈ శకలం 15 నుంచి 30 అడుగుల వెడల్పు ఉంటుందని నాసా శాస్త్రవేత్తలు అంచనా వేస్తున్నారు. ఈ గ్రహశకలం బుధవారం భూకక్ష్యను దాటి వెళ్లిన తర్వాత తిరిగి 2027 వరకూ ఇది భూమికి దగ్గరగా వచ్చే అవకాశం లేదని నాసా వివరించింది. గత నెల కూడా బస్సు పరిమాణంలో ఉన్న ఓ గ్రహశకలం భూకక్ష్యను దాటి వెళ్లింది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని