Bandaru Satyanarayana: మాజీ మంత్రి బండారు సత్యనారాయణ మూర్తికి బెయిల్‌

అమరావతి: మాజీ మంత్రి బండారు సత్యనారాయణ మూర్తికి బెయిల్‌ మంజూరైంది. రూ.25 వేల పూచీకత్తుతో న్యాయస్థానం బెయిల్‌ మంజూరు చేసింది. మంత్రి రోజాను దూషించారని బండారుపై వైకాపా నేతల ఫిర్యాదుతో నగరంపాలెం పోలీసులు కేసు నమోదు చేశారు. ఈ నెల 2న ఆయనను పోలీసులు అరెస్టు చేశారు. ఇవాళ మధ్యాహ్నం జీజీహెచ్‌లో బండారుకు వైద్య పరీక్షలు చేయించి మొబైల్‌ కోర్టులో హాజరుపర్చారు. అనంతరం బండారుకు పూచీకత్తుతో మొబైల్‌ కోర్టు బెయిల్‌ మంజూరు చేసింది.

బెయిల్‌పై విడుదలైన అనంతరం బండారు సత్యనారాయణమూర్తి మాట్లాడుతూ.. అంబేడ్కర్‌ రాజ్యాంగం పట్ల తనకు గౌరవం ఉందన్నారు. రాజ్యాంగం ప్రకారం న్యాయస్థానంలో న్యాయం జరిగిందని తెలిపారు. ‘‘ ధర్మం గెలుస్తుంది. న్యాయం గెలుస్తుంది. చంద్రబాబు కూడా త్వరగా బెయిల్‌ రావాలని కోరుకుంటున్నా. అరెస్టు చేసే సమయం నుంచి లోకేశ్‌ అండగా నిలిచారు’’ అని బండారు పేర్కొన్నారు.