Vizag: విశాఖలో ‘సాగర తీర స్వచ్ఛత’.. పెద్ద ఎత్తున పాల్గొన్న ప్రజలు

తీరంలోని పరిసరాలను శుభ్రం చేసిన మంత్రులు సురేశ్‌, అమర్‌నాథ్‌

విశాఖపట్నం: సముద్ర తీరంలోని వ్యర్థాలను పూర్తిగా నిర్మూలించడమే లక్ష్యంగా రాష్ట్ర ప్రభుత్వం పనిచేస్తోందని ఏపీ మంత్రులు ఆదిమూలపు సురేశ్‌, గుడివాడ అమర్‌నాథ్‌ చెప్పారు. ‘సాగర తీర స్వచ్ఛత’ కార్యక్రమంలో భాగంగా విశాఖ తీరంలోని కాళీమాత దేవాలయం ఎదురుగా పరిసరాలను మంత్రులు, నగర మేయర్‌ గొలగాని వెంకటహరికుమారి, జిల్లా కలెక్టర్, నగర పోలీస్‌ కమిషనర్‌ తదితరులు శుభ్రం చేశారు. 

ప్లాస్టిక్‌ వ్యర్థాలను రీసైక్లింగ్‌ చేసి ఆదాయం పొందేలా ప్రణాళికలు రూపొందిస్తున్నట్లు మంత్రులు తెలిపారు. దీనిలో భాగంగానే అమెరికాకు చెందిన పార్లే సంస్థతో ఒప్పందం కుదుర్చుకున్నామని చెప్పారు. ‘సాగర తీర స్వచ్ఛత’ కార్యక్రమం సందర్భంగా నేవీ హెలికాప్టర్‌ ద్వారా చేపట్టిన జాతీయ పతాకాల ప్రదర్శన ప్రత్యేక ఆకర్షణగా నిలిచింది.