Viral Video: నూటికో కోటికో ఒక్కరు.. అది మీరే మీరే మా టీచర్..
మనం జీవితంలో ఎంత ఉన్నతస్థాయికి ఎదిగిన మనకు విద్యబుద్ధులు నేర్పిన గురువులను మాత్రం ఎప్పటికీ మార్చిపోం. ముఖ్యంగా పాఠశాల విద్యనభ్యసించే సమయంలో ఉపాధ్యాయులతో విద్యార్థులకు మంచి అనుబంధం ఉంటుంది.
ఇంటర్నెట్ డెస్క్: మనం జీవితంలో ఎంత ఉన్నతస్థాయికి ఎదిగినా మనకు విద్యాబుద్ధులు నేర్పిన గురువులను మాత్రం ఎప్పటికీ మార్చిపోం. ముఖ్యంగా పాఠశాల విద్యనభ్యసించే సమయంలో ఉపాధ్యాయులతో విద్యార్థులకు మంచి అనుబంధం ఉంటుంది. కొంత మంది ఉపాధ్యాయులు విద్యార్థులను తమ సొంత పిల్లల మాదిరిగా చూసుకుంటారు. అయితే, ప్రభుత్వ ఉద్యోగాల్లో బదిలీలు, పదోన్నతులు సాధారణం. ఎంత మంచి ఉపాధ్యాయుడికైనా కొన్ని సంవత్సరాల తర్వాత వేరే పాఠశాలకు వెళ్లక తప్పదు. ఇన్నేళ్లపాటు చదువు చెప్పిన గురువు ఉన్నట్టుండి పాఠశాల నుంచి వెళ్లిపోతుంటే విద్యార్థులు భావోద్వేగానికి గురవుతారు. కొంతమంది కంటతడి పెట్టుకుంటారు. ఇన్ని రోజులు తమకు పాఠాలు బోధించిన ఉపాధ్యాయుడికి జీవితంలో గుర్తుండిపోయేలా వీడ్కోలు పలుకుతారు. ఇలాంటి సంఘటనే కోల్కతాలో చోటుచేసుకుంది. విద్యార్థులు ఇచ్చిన సర్ప్రైజ్కు బదిలీపై వెళ్తున్న ఉపాధ్యాయురాలు కంటతడి పెట్టింది.
వివరాల్లోకి వెళితే.. పశ్చిమబెంగాల్లోని ఉత్తర 24 పరగణాల జిల్లాలోని కటియాహత్ బీకేఏపీ బాలికల ఉన్నత పాఠశాలలో సంపా అనే ఉపాధ్యాయురాలు పనిచేస్తున్నారు. ఆమె ఇటీవల వేరే పాఠశాలకు బదిలీ అయ్యారు. ఇన్నాళ్ల తమకు పాఠాలు బోధించిన ఉపాధ్యాయురాలు వేరే పాఠశాలకు బదిలీ కావడంతో విద్యార్థినులు భావోద్వేగపూరితంగా వీడ్కోలు పలికారు. టీచర్ పాఠశాలను వీడుతున్న సమయంలో ఆమెకు సర్ప్రైజ్ ఇచ్చారు. ఇద్దరు విద్యార్థినులు ఉపాధ్యాయురాలికి కళ్లకు గంతలు కట్టి పాఠశాల మైదానంలోకి తీసుకొచ్చారు. తర్వాత ఆమెను కళ్లు తెరవమని కోరారు. వెంటనే కొంతమంది విద్యార్థినులు గులాబీ పువ్వులు చేతిలో పట్టుకుని మోకాళ్లపై కూర్చొని ‘మేము నీలో దేవుడిని చూస్తున్నాం’ అనే హిందీ పాటను పాడి భావోద్వేగానికి గురై కన్నీరు పెట్టుకున్నారు. విద్యార్థినులు చూపుతున్న ప్రేమ, ఆప్యాయతలను చూసి ఎమోషనల్ అయ్యారు. వెంటనే వారిని దగ్గరకు తీసుకుని కంటతడి పెట్టారు. ఇందుకు సంబంధించిన వీడియో ప్రస్తుతం సోషల్ మీడియోలో వైరల్గా మారింది. ఈ వీడియోని చూసిన నెటిజన్లు.. ‘ఇలాంటి టీచర్ దొరికినందుకు నిజంగా మీరు అదృష్టవంతులు’, ‘నిజంగా.. మా పాఠశాల రోజులు గుర్తుకు వచ్చాయి’, ‘ఇంతటి ప్రేమను చూపించే విద్యార్థులు దొరకడం కూడా చాలా అరుదు’, ‘వీడియో చూస్తుంటే కళ్లలో నీళ్లు ఆగడం లేదు’ అంటూ కామెంట్లు పెడుతున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈనాడు.నెట్లో టాప్ 10 వార్తలు @ 1 PM
ఈనాడు.నెట్ లోని ముఖ్యమైన పది వార్తలు మీ కోసం... -
హైదరాబాద్ - బెంగళూరు మ్యాచ్.. మెట్రో రైళ్ల సమయం పొడిగింపు
ఐపీఎల్ 17వ సీజన్లో భాగంగా ఉప్పల్ వేదికగా గురువారం రాత్రి 7.30 గంటలకు సన్రైజర్స్ హైదరాబాద్, బెంగళూరు జట్ల మధ్య మ్యాచ్ జరగనుంది. -
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ
సీఎం జగన్ (YS Jagan)కు మాజీ మంత్రి వైఎస్ వివేకానందరెడ్డి సతీమణి సౌభాగ్యమ్మ బహిరంగ లేఖ రాశారు. వివేకా హత్య (Viveka Murder Case)కు కారకులైన వారికి మళ్లీ ఎంపీగా అవకాశం ఇవ్వడంతో పాటు రక్షణ కల్పిస్తున్నారంటూ ఆమె నిలదీశారు. -
ఈనాడు.నెట్లో టాప్ 10 వార్తలు @ 9 AM
ఈనాడు.నెట్ లోని ముఖ్యమైన పది వార్తలు మీ కోసం... -
నేటి రాశి ఫలాలు.. 12 రాశుల ఫలితాలు ఇలా... (25/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు.
తాజా వార్తలు (Latest News)
-
మస్క్ పేరుతో మస్కా.. మహిళకు రూ.41 లక్షలకు సైబర్ నేరగాడు టోకరా
-
మాజీ క్రికెటర్పై చిరుత దాడి.. కాపాడిన పెంపుడు శునకం
-
‘ఆ బ్లీచ్ జుట్టుకు చేరినట్టుంది’: ట్రంప్పై బైడెన్ వ్యక్తిగత విమర్శలు
-
323km రేంజ్.. 155km టాప్ స్పీడ్తో అల్ట్రావయోలెట్ కొత్త ఎలక్ట్రిక్ బైక్
-
తిరుపతిలో తెదేపా కార్యకర్తలపై వైకాపా శ్రేణుల రాళ్ల దాడి.. ఉద్రిక్తత
-
అదేం కొట్టుడు.. పంత్ నువ్వేనా క్రికెట్కు ఏడాదిన్నర దూరమైంది?