Viral news: స్పైడర్‌ మ్యాన్‌ను మరిపించే ఈ అమ్మాయిల విన్యాసాలు చూశారా?

హైదరాబాద్‌: ఇద్దరు చిన్నారులు.. నునుపైన మార్బుల్‌ గోడలు, సన్నని పిల్లర్లు ఇలా ఏదైనా ఎలాంటి సాయం లేకుండా అవలీలగా ఎక్కేస్తున్నారు. స్పైడర్‌ మ్యాన్‌ను మరిపిస్తూ అందరి దృష్టినీ ఆకర్షిస్తున్నారు. ఇప్పుడు ఈ వీడియో సామాజిక మాధ్యమాల్లో వైరల్‌ అవుతోంది. వీరిని అంతా స్పైడర్‌ గర్ల్స్‌ అంటున్నారు. వివరాల్లోకి వెళ్తే పట్నాకు చెందిన అజిత్‌కుమార్‌, సంగీతలకు అక్షిత (11), కృపత(9) ఇద్దరు కుమార్తెలు. సాధారణంగా చిన్నపిల్లలు ఉంటే కార్టూన్‌ సినిమాలు, మొబైల్‌ ఫోన్లకే పరిమితమవుతున్న ఈ రోజుల్లో ఈ ఇద్దరు పిల్లలు అందుకు భిన్నంగా సాహసాలు చేస్తున్నారు. తల్లిదండ్రులు ఇంట్లో లేని సమయంలో నెమ్మదిగా గోడలు పాకడం ప్రారంభించిన ఈ ఇద్దరు, అనంతరం వేగంగా ఎక్కడం సాధన చేశారు. విషయం తెలుసుకుని అవాక్కవడం అజిత్‌కుమార్‌ దంపతుల వంతైంది. స్పైడర్‌మాన్‌ లాగా ఎగబాకడం సంతోషంగా ఉందని, భవిష్యత్తులో ఎవరెస్ట్‌ అధిరోహించడమే లక్ష్యంగా పెట్టుకున్నామని పిల్లలు చెబుతున్నారు. అయితే ఎలాంటి శిక్షణ ఇవ్వకున్నా ఇంతగా నేర్చుకున్నారని, భవిష్యత్తులో అవసరమైన సహాయ, సహకారాలు అందిస్తామని తల్లిదండ్రులు పేర్కొంటున్నారు.

► Read latest General News and Telugu News

► Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.