Bride marries: ముహూర్త సమయానికి కరెంటు పోవడంతో మరొక వరుడుని పెళ్లాడిన వధువు

భోపాల్‌ : పెళ్లి ముహూర్త సమయానికి కరెంటు పోవడంతో వధువు ఒకరిని బదులు మరొకరిని పెళ్లి చేసుకుంది. మరుసటి రోజు వరకు ఈ విషయాన్ని ఎవరూ కనుక్కోలేక పోవడం గమనార్హం. దీంతో మరోసారి పెళ్లి వేడుక నిర్వహించారు. మధ్యప్రదేశ్‌లో జరిగిన ఈ వింత ఘటన వివరాల్లోకి వెళితే.. ఉజ్జయిన్‌లో నివసించే రమేష్‌ లాల్‌కు నిఖిత, కరిష్మా అనే ఇద్దరు కుమార్తెలు. ఆదివారం వాళ్లిదరికీ వేర్వేరు కుటుంబాలకు చెందిన వ్యక్తులతో వివాహం చేయాలని నిర్ణయించారు. ముహూర్త సమయానికి కరెంటు పోవడంతో చెల్లి తన సోదరి వరుడిని పెళ్లి చేసుకుంది. ఇద్దరూ ఒకేరకమైన పెళ్లి దుస్తులు ధరించి ఉండడంతో ఎవరూ ఈ విషయాన్ని కనుక్కోలేక పోయారు. అంతా ఎవరి ఇళ్లకు వాళ్లు వెళ్లాకా ఈ విషయం బయటపడింది. దీంతో కాసేపు వాగ్వాదం చోటుచేసుకుంది. ఇరు కుటుంబాలు మరుసటి రోజు మళ్లీ వివాహ వేడుకను నిర్వహించారు.