TS News: మంత్రి తలసాని కుమారుడి కారు ఢీకొని వ్యక్తికి గాయాలు

హైదరాబాద్‌: ఖైరతాబాద్‌ సదర్‌ ఉత్సవాల్లో అపశ్రుతి చోటు చేసుకుంది. దీపావళి పండుగను పురస్కరించుకుని శుక్రవారం రాత్రి ఖైరతాబాద్‌ కూడలిలో సదర్‌ ఉత్సవం నిర్వహించారు. ఈసందర్భంగా రాష్ట్ర మంత్రి తలసాని శ్రీనివాస్‌యాదవ్‌ కుమారుడు సాయి యాదవ్‌ సదర్‌ ఉత్సవాలకు హాజరయ్యారు. ఉత్సవాల్లో పాల్గొని తిరిగి కారులో వెళ్తుండగా.. ఓ వ్యక్తిపై నుంచి కారు వెళ్లడంతో అతని కాలుకు గాయాలయ్యాయి. బాధితుడి కుటుంబ సభ్యులు, స్థానికులు సాయి యాదవ్‌ను అడ్డుకుని వాగ్వాదానికి దిగారు. గొడవ తీవ్రం కావడంతో పోలీసులు జోక్యం చేసుకుని గాయపడిన వ్యక్తి కుటుంబానికి సర్థి చెప్పారు. బాధితుడిని పోలీసు వాహనంలో సమీపంలోని ఆసుపత్రికి తరలించారు.