అగ్నిపర్వతం విస్ఫోటనం.. ప్రజలు విలవిల

సెయింట్‌ విన్సెంట్‌: తూర్పు కరేబియన్‌ ద్వీపం సెయింట్‌ విన్సెంట్‌లోని లాసోఫియర్‌ అగ్నిపర్వతం బద్దలైంది. దాదాపు 40 ఏళ్ల తర్వాత ఈ అగ్నిపర్వతం విస్ఫోటనం చెందగా ఆ ప్రాంతం మొత్తం బూడిదమయంగా మారింది. ఇళ్లు, రహదారులు, వాహనాలు బూడిదతో కప్పినట్లు తయారయ్యాయి. ఎనిమిది అంగులాల మందం బూడిద పొరతో పంటలు నాశనమయ్యాయి. జంతువులు మృతిచెందగా, నీరు కాలుష్యమైంది. గతవారం విస్ఫోటనం ప్రారంభమైనప్పటి నుంచి దాదాపు 20 వేల మందిని ఈ ప్రాంతం నుంచి సురక్షిత ప్రాంతాలకు తరలించారు. సుమారు లక్ష మంది ప్రజలు ప్రభావితమైనట్లు అధికారులు వెల్లడించారు. ఈ ఘటన తాలూకు ప్రభావం కొన్ని నెలల పాటు ఉంటుందని పేర్కొన్నారు.