Chandrababu: సి.నరసింహారావు కుటుంబాన్ని పరామర్శించిన చంద్రబాబు

హైదరాబాద్‌: ఇటీవల మృతిచెందిన ప్రముఖ వ్యక్తిత్వ వికాస పుస్తక రచయిత, రాజకీయ విశ్లేషకులు సి.నరసింహారావు కుటుంబాన్ని తెదేపా అధినేత చంద్రబాబు పరామర్శించారు. హైదరాబాద్‌లో నరసింహారావు నివాసానికి వెళ్లి ఆయన చిత్రపటం వద్ద నివాళులర్పించారు. అనంతరం నరసింహారావు భార్య జ్యోతి, కుమారుడు హర్షకు చంద్రబాబు ధైర్యం చెప్పారు.

అనారోగ్యంతో హైదరాబాద్‌ గచ్చిబౌలిలోని ఓ ఆసుపత్రిలో నరసింహారావు కొంతకాలంగా చికిత్స పొందారు. బుధవారం అర్ధరాత్రి దాటిన తర్వాత ఆయన ఆరోగ్య పరిస్థితి విషమంగా మారింది. వెంటనే వైద్యులు అత్యవసర చికిత్సకు ప్రయత్నించినా ఫలితం లేకపోయింది. గుండె వైఫల్యంతో బుధవారం అర్ధరాత్రి తర్వాత 1.50 గంటల సమయంలో ఆయన తుదిశ్వాస విడిచారు.