Andhra News: నూతన కోర్టుల భవన సముదాయాన్ని ప్రారంభించిన సీజేఐ జస్టిస్‌ ఎన్‌.వి. రమణ

విజయవాడ : విజయవాడ న్యాయస్థానాల ప్రాంగణంలో నిర్మించిన జీ+7 నూతన భవనాలను ఈ ఉదయం సుప్రీంకోర్టు ప్రధాన న్యాయమూర్తి జస్టిస్‌ ఎన్‌.వి.రమణ ప్రారంభించారు. ఈ సందర్భంగా ఏపీ హైకోర్టు ప్రధాన న్యాయమూర్తి జస్టిస్‌ ప్రశాంత్‌కుమార్‌ మిశ్ర, సీఎం జగన్‌తో కలిసి ఆయన న్యాయస్థానాల ప్రాంగణంలో మొక్కలు నాటారు. అనంతరం హైకోర్టు సీజే, సీఎం జగన్‌తో కలిసి నూతన భవనాలను ప్రారంభించారు. ఈ కార్యక్రమానికి హైకోర్టు న్యాయమూర్తులు, బార్‌ కౌన్సిల్‌, బార్‌ అసోసియేషన్‌ ప్రతినిధులు హాజరయ్యారు.

29 విశాలమైన ఏసీ కోర్టుల హాళ్లు, ఏడు లిఫ్టులు, న్యాయవాదులకు, కక్షిదారులకు వెయిటింగ్‌ హాళ్లు, క్యాంటీన్‌ సహా అన్ని సదుపాయాలతో నూతన కోర్టు భవనాలు అందుబాటులోకి వచ్చాయి.