CM Jagan: రాష్ట్రంలో పెట్టుబడులకు ఆదిత్య బిర్లా గ్రూప్‌ రావడం శుభపరిణామం: జగన్‌

బిక్కవోలు: రాష్ట్రంపై నమ్మకం ఉంచి గ్రాసిమ్‌ పరిశ్రమ ద్వారా రాష్ట్రంలో రూ.2వేల కోట్లకు పైగా పెట్టుబడులు పెట్టేందుకు ఆదిత్య బిర్లా గ్రూప్‌ సంస్థ ముందుకు రావడం శుభపరిణామమని ఏపీ సీఎం జగన్‌ అన్నారు. తూర్పుగోదావరి జిల్లా బిక్కవోలు మండలం బలభద్రపురంలో గ్రాసిమ్‌ పరిశ్రమ కాస్టిక్‌ సోడా యూనిట్‌ను సీఎం ప్రారంభించారు. ఈ సందర్భంగా జగన్‌ మాట్లాడుతూ 75 శాతం స్థానికులకు ఉపాధి కల్పించేందుకు పరిశ్రమ అంగీకరించిందని చెప్పారు. 

గ్రాసిమ్‌ పరిశ్రమతో ప్రత్యక్షంగా 1300, పరోక్షంగా 1150 మందికి ఉపాధి కలుగుతుందని జగన్‌ వివరించారు. పరిశ్రమ ఏర్పాటుపై గతంలో గ్రామస్థులు ఆందోళన చెందారని.. కలుషిత వ్యర్థాలు నేరుగా వదలకుండా జాగ్రత్తలు తీసుకున్నామని ఆయన తెలిపారు. ఎలాంటి భయాందోళనలు లేకుండా పరిశ్రమ నిర్మించేలా చర్యలు చేపట్టామన్నారు. గ్రాసిమ్‌ సంస్థ అందించే సీఎస్‌ఆర్‌ నిధులు స్థానికంగా ఖర్చుచేస్తామని సీఎం చెప్పారు.