CM Jagan: విభజన హామీలు నెరవేర్చే బాధ్యత కేంద్రానిదే: సీఎం జగన్‌

అమరావతి: కేంద్ర హోం శాఖ కార్యదర్శి నేతృత్వంలో రాష్ట్ర విభజన అంశాలపై మంగళవారం కీలక సమావేశం జరగనుంది. విభజన హామీలు, 13వ షెడ్యూల్‌లోని సంస్థల అంశాలపై సమావేశంలో ప్రధానంగా చర్చించనున్నారు. ఈ సమావేశం దృష్ట్యా ఏపీ సీఎస్‌ సహా ఇతర అధికారులతో ఇవాళ సీఎం జగన్‌ సమీక్ష చేశారు.

‘‘విభజన కారణంగా ఏపీకి తీవ్ర నష్టం జరిగింది. విభజన జరిగి పదేళ్లు పూర్తయినా చట్టంలోని అంశాలు పరిష్కరించలేదు. విభజన చట్టంలో ఇచ్చిన హామీలు నెరవేర్చే బాధ్యత కేంద్ర ప్రభుత్వానిదే. ప్రత్యేక హోదా, పోలవరం నిధుల హామీ ఇంకా నెరవేరలేదు. తెలంగాణ నుంచి ఏపీకి విద్యుత్‌ బకాయిలు ఇంకా రాలేదు’’ అని జగన్‌ అన్నారు. రైల్వే జోన్‌, విశాఖ మెట్రోపై సమావేశంలో చర్చించాలని అధికారులకు జగన్‌ సూచించారు.