Updated : 18 Feb 2021 04:07 IST

20 ఏళ్ల ప్రేమకు గుర్తుగా.. 2వేల డాలర్ల టిప్‌

రెస్టారంట్‌ సిబ్బందికి ధన్యవాదాలు తెలిపిన దంపతులు

చికాగో: ఇరవై ఏళ్ల క్రితం తన భార్యతో మొదటిసారి వెళ్లిన రెస్టారంటుకు రెండు వేల డాలర్లు (సుమారు లక్షా నలభైఐదు వేల రూపాయలు) టిప్‌ ఇచ్చిన ఘటన అమెరికాలోని చికాగో నగరంలో జరిగింది. ఈ మేరకు స్థానిక క్లబ్‌ లక్కీ అనే రెస్టరెంట్‌ తన ఫేస్‌బుక్‌లో తెలిపింది. వివరాల్లోకెళ్తే.. చికాగోకు చెందిన ఓ వ్యక్తి తన భార్యను మొదటిసారిగా క్లబ్‌ లక్కీ రెస్టారెంటులో కలిశారు. ఆ రోజుకు గుర్తుగా ఇరవై ఏళ్లపాటు వారు అదే హోటల్‌కు అదే రోజున ప్రతి సంవత్సరం వెళ్తూ ఉండేవారు. దీంతో ఆ రెస్టారంటు యాజమాన్యం వారికి ఒకే టేబుల్‌ను కేటాయించడం ప్రారంభించింది. తాజాగా వారిద్దరూ మొదటిసారి కలిసి ఇరవైఏళ్లైన సందర్భంగా ఆ వ్యక్తి రెండు వేల డాలర్లను టిప్‌గా ఇచ్చాడు. అంతేకాకుండా ఇరవైఏళ్లుగా తమకు అందించిన మంచి జ్ఞాపకాలకు, ఆహారానికి, సర్వీసుకు కృతజ్ఞతలు తెలుపుతున్నట్లు బిల్‌పై రాశారు. వారు ఇచ్చిన టిప్‌ను అక్కడి సిబ్బంది అందరూ కలిసి పంచుకోవాలని ఆయన రాశారు.

ఈ విషయాన్ని క్లబ్‌ లక్కీ రెస్టారెంట్‌ ఫేస్‌బుక్‌ పేజీలో పోస్టు చేయడంతో వైరల్‌ అయ్యింది. ఆ దంపతుల పేర్లు వెల్లడించని హోటల్‌ యాజమాన్యం, వారి జీవితాల్లో ఈ హోటల్‌ భాగమైనందుకు ఆనందంగా ఉందని వెల్లడించింది.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని