Andhra News: సీపీఎస్‌ రద్దు చేయాలంటూ ఏలూరులో ఉద్యోగుల భారీ ర్యాలీ

ఏలూరు అర్బన్‌: ఆంధ్రప్రదేశ్‌ సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో ఏలూరులో భారీ ర్యాలీ నిర్వహించారు.‘సీపీఎస్‌ ఉద్యోగుల శంఖారావం’ పేరుతో ప్రధాన రహదారిలో ర్యాలీ చేపట్టారు. స్థానిక తితిదే కల్యాణ మండపం నుంచి అగ్నిమాపక కూడలి మీదుగా కలెక్టరేట్‌ వరకు ఇది కొనసాగింది.

ఈ నిరసన ర్యాలీలో పెద్ద సంఖ్యలో ఉద్యోగులు పాల్గొని సీపీఎస్‌ విధానాన్ని రద్దు చేయాలని.. పాత విధానాన్నే కొనసాగించాలని డిమాండ్‌ చేశారు. ‘వుయ్‌ వాంట్‌ జస్టిస్‌’ అంటూ పెద్ద ఎత్తున నినాదాలతో ముందుకు సాగారు. ఈ ర్యాలీలో పీఆర్‌టీయూ జిల్లా అధ్యక్షుడు ఆంజనేయులు, డెమోక్రటిక్‌ పీఆర్‌టీయూ రాష్ట్ర ప్రధాన కార్యదర్శి వెంకటేశ్వరరావు, వివిధ ఉద్యోగ సంఘాల నాయకులు పాల్గొన్నారు.