Ts News: పండక్కి ఊరెళ్తున్నారా.. ఇవి పాటించండి: సీపీ స్టీఫెన్‌ రవీంద్ర

హైదరాబాద్‌: ప్రజలు, పోలీసుల మధ్య సమన్వయంతోనే చోరీలను నియంత్రించవచ్చని సైబరాబాద్‌ సీపీ స్టీఫెన్‌ రవీంద్ర అన్నారు. సంక్రాంతికి సొంతూళ్లకు వెళ్లే వారికి సీపీ పలు సూచనలు చేశారు. ‘‘ఇంటి పరిసరాల్లో కొత్తవారి కదలికలపై పోలీసులకు సమాచారం అందించాలి. కాలనీల్లో సీసీ కెమెరాలు ఏర్పాటు చేసుకోవాలి. బైక్‌లు, కార్లను ఇళ్ల ఆవరణలోనే పార్కింగ్‌ చేసుకోవాలని. విలువైన వస్తువులను బైక్‌లు, కార్లలో పెట్టొద్దు. ఇంట్లో ఏదో ఒక గదిలో లైటు వేసి ఉంచాలి. పేపరు, పాలవాడిని రావొద్దని చెప్పండి. టైమర్‌తో కూడిన లైట్లను ఇంట్లో అమర్చుకోవాలని, ఇంటి డోర్‌కు సెంట్రల్‌ లాకింగ్‌ సిస్టమ్‌ను ఏర్పాటు చేసుకోవాలి. ప్రయాణం చేస్తున్నప్పుడు బ్యాగులు దగ్గరే పెట్టుకోవాలి. ప్రజలు తమ ప్రాంతాల్లో గస్తీ ఏర్పాటుకు సహకరించాలి. దగ్గర్లోని పోలీస్‌ స్టేషన్‌, బీట్‌ కానిస్టేబుల్‌ నంబర్లను ఉంచుకోవాలి. నమ్మకమైన వాచ్‌మెన్‌ను నియమించుకోవాలి. బంగారు నగలు, నగదు.. బ్యాంకు లాకర్లలో పెట్టుకోవాలి’’ అని ప్రజలకు సీపీ సూచించారు.