బహిరంగ ప్రదేశాల్లో మాస్క్‌ తప్పనిసరి

సైబరాబాద్‌: రాష్ట్రంలో కరోనా కేసులు మళ్లీ పెరుగుతండటంతో పోలీసుశాఖ అప్రమత్తమైంది. ప్రభుత్వం విధించిన నిబంధనలపై సైబరాబాద్‌ ట్రాఫిక్‌ శాఖ అవగాహన కల్పిస్తోంది. బహిరంగ ప్రదేశాలు, పనిచేసే చోట, ప్రజా రవాణా సమయంలో మాస్క్‌ పెట్టుకోవడం తప్పనిసరి అని ఆ పేర్కొంది. అధికారిక ట్విటర్‌ ఖాతాలో ఓ కార్టూన్‌ను విడుదల చేసింది. ఆ కార్టూన్‌లో.. మాస్క్‌ ధరించని ఓ వ్యక్తి కరోనా కేసులు ఎందుకు పెరుగుతున్నాయని ఓ పోలీసును ప్రశ్నిస్తాడు. దానికి ఆ పోలీసు సమాధానమిస్తూ కొందరు వ్యక్తులు పోలీసులు తారసపడినప్పుడు మాత్రమే మాస్కులు ధరిస్తున్నారు అని సదరు వ్యక్తిని ఉద్దేశించి అంటారు. ట్రాఫిక్‌ పోలీసుశాఖ పంచుకున్న ఈ కార్టూన్‌ ఆలోచన రేకెత్తిస్తోంది. మాస్క్‌ ధరించకుండా కనిపించినవారిపై పోలీసు శాఖ జరిమానాలు విధింస్తున్న విషయం తెలిసిందే..