సరస్వతీదేవిగా బెజవాడ దుర్గమ్మ

విజయవాడ: రాష్ట్ర వ్యాప్తంగా శరన్నవరాత్రి ఉత్సవాలు కన్నుల పండువగా సాగుతున్నాయి. మూలానక్షత్రం రోజున అమ్మవారి అభయం పొందేందుకు భక్తులు బెజవాడ దుర్గగుడికి పోటెత్తుతున్నారు. ఆశ్వయుజ శుద్ధపంచమి అయిన ఇవాళ అమ్మవారు సరస్వతీదేవిగా భక్తులకు దర్శనమిస్తున్నారు. మూలా నక్షత్రం నాటి నుంచి విజయదశమి వరకు విశేష పుణ్య దినాలుగా భక్తులు భావిస్తారు. అందువల్ల దుర్గమ్మ దర్శనానికి పెద్ద ఎత్తున తరలివస్తున్నారు. కొవిడ్‌ నిబంధనల దృష్ట్యా అధికారులు 13వేల మందికి మాత్రమే దర్శనభాగ్యం కల్పిస్తున్నారు. వేకువజామున 3గంటల నుంచి రాత్రి 9గంటల వరకు భక్తులను అనుమతిస్తారు. టికెట్లలో కేటాయించిన సమయం ప్రకారమే భక్తులు దర్శనానికి రావాలని అధికారులు స్పష్టం చేస్తున్నారు. ప్రభుత్వం తరఫున ఏపీ సీఎం జగన్‌ ఇవాళ మధ్యాహ్నం 3.40 గంటలకు అమ్మవారికి పట్టువస్త్రాలు సమర్పించనున్నారు.

మరిన్ని చిత్రాల కోసం క్లిక్‌ చేయండి