Bananas: అరటిపండే కదా తీసి పారేయకండి..!

ఇంటర్నెట్‌ డెస్క్‌: చక్కని పసుపు, బంగారం రంగులో ఉండే అరటి పండ్లంటే అందరికీ ఇష్టమే..ఎన్నో పోషకాలుండే ఈ పండ్లతో ఒనగూరే ప్రయోజనాలెన్నో ఉన్నాయి. కానీ అరటి పండ్లపై నల్లటి మచ్చ ఉంటే హాని కారకమని చాలా మంది నమ్ముతుంటారు. నల్లమచ్చలున్న అరటి పండ్లను తినకూడదా..? తింటే ఏం అవుతుందో తెలుసుకోండి..!

🍌 అరటి పండ్లు తొందరగా జీర్ణం అవుతాయి. సహజ పోషకాలను సత్వరం అందిస్తాయి.

🍌 అరటి పండ్లపై నల్లని మచ్చలుంటే కుళ్లినవని కాదు..నలుపు, గోధుమవర్ణం మచ్చలు ఎంత ఎక్కువగా ఉంటే అంత మంచివని నిపుణులు చెబుతున్నారు.

🍌 నల్లమచ్చలు టీఎన్‌ఎఫ్‌(ట్యూమర్‌ నిక్రోసిస్‌ ఫ్యాక్టర్‌)సూచిస్తాయి. ఇది క్యాన్సర్‌ పోరాట పదార్థం. ఇది శరీరంలోని  అసాధారణ కణాలకు వ్యతిరేకంగా పోరాటం చేస్తుంది.

🍌 బాగా పండినపుడు యాంటీ అక్సిడెంట్లు అధికంగా ఉంటాయి. ఇది వైరస్‌, క్యాన్సర్‌ కణాలకు వ్యతిరేకంగా రోగనిరోధకతను పెంచుతుంది. 

🍌 అరటిపండ్లు పండే కొద్దీ మెగ్నిషియం పెరుగుతుంది. రక్తపోటుతో బాధ పడుతున్న వారికి చాలా మంచిది. తక్షణమే అధిక రక్తపోటును తగ్గిస్తుంది.

🍌 గుండెకు చాలా మేలు చేస్తాయి. పేగుల్లో కదలికలను బాగా ఉంచుతుంది. జీర్ణక్రియ సాఫీగా జరిగేందుకు సహకరిస్తుంది. అసిడిటీని బాగా తగ్గిస్తుంది.

🍌 ఇందులో పీచు పదార్థం కూడా అధికంగానే ఉంటుంది. మల బద్దకం లేకుండా చేస్తుంది.