ED: మధుకాన్‌ గ్రూప్‌ ఆస్తులను అటాచ్‌ చేసిన ఈడీ

హైదరాబాద్‌: రాంచీ ఎక్స్‌ప్రెస్‌ హైవే కేసులో మధుకాన్‌ గ్రూప్‌ కంపెనీల ఆస్తులను ఈడీ అటాచ్‌ చేసింది. రాంచీ- జంషెడ్‌పూర్‌ రహదారి పేరిట బ్యాంకుల నుంచి మధుకాన్‌ గ్రూప్‌ రూ.10.30కోట్ల రుణాలు పొంది దారి మళ్లించినట్టు ఈడీ అభియోగం. ఆరు డొల్ల కంపెనీల ద్వారా నిధుల మళ్లింపు జరిగిందని ఈడీ గుర్తించింది. ఈ కంపెనీలు నామా నాగేశ్వరరావు, నామా సీతయ్య ఆధీనంలో ఉన్నాయని తెలిపింది. ఈ కేసులో 96.21 కోట్ల విలువైన మధుకాన్‌ ఆస్తులను ఈడీ జప్తు చేసింది. హైదరాబాద్‌, బెంగాల్‌, విశాఖ, ప్రకాశం, కృష్ణా జిల్లాలో రూ.88.85 కోట్ల విలువైన భూములు, మధుకాన్‌ షేర్లు సహా రూ.7.36 కోట్ల చరాస్తులను ఈడీ అటాచ్‌ చేసింది.