Telangana News: తెరాస ఎమ్మెల్యేను 9గంటల పాటు విచారించిన ఈడీ

హైదరాబాద్: ఈడీ కార్యాలయంలో తెరాస ఎమ్మెల్యే మంచిరెడ్డి కిషన్‌రెడ్డి విచారణ ముగిసింది. ఫెమా నిబంధనలు ఉల్లంఘించారనే అభియోగాలపై ఇబ్రహీంపట్నం తెరాస ఎమ్మెల్యే మంచిరెడ్డిపై ఈడీ అధికారులు కేసు నమోదు చేసిన విషయం తెలిసిందే. ఈ నేపథ్యంలో నిన్న ఆయనకు ఈడీ అధికారులు నోటీసులు జారీ చేశారు. ఇవాళ విచారణకు హాజరైన ఎమ్మెల్యేను ఈడీ అధికారులు దాదాపు 9గంటల పాటు ప్రశ్నించి వివరాలు రాబట్టారు. ప్రధానంగా బ్యాంకు లావాదేవీలకు సంబంధించిన వివరాలు సేకరించినట్టు సమాచారం. మధ్యాహ్నం 12గంటల సమయంలో ఈడీ కార్యాలయానికి వచ్చిన ఎమ్మెల్యే  రాత్రి 9.30గంటలకు బయటకు వెళ్లారు. ఈడీ విచారణ ముగిసిన అనంతరం మీడియా కంట పడకుండా  జాగ్రత్తలు తీసుకున్నారు. ఈడీ కార్యాలయ సిబ్బంది సాయంతో వెనుక గేటు నుంచి బయటకు వచ్చిన మంచిరెడ్డి తన కారులో వెళ్లిపోయారు.