Andhra News: ఏపీలోనూ ఈడీ దాడులు.. ఎన్‌ఆర్‌ఐ ఆసుపత్రిలో కొనసాగుతున్న సోదాలు

మంగళగిరి: గుంటూరు జిల్లా మంగళగిరిలోని ఎన్‌ఆర్‌ఐ ఆసుపత్రిలో ఎన్‌ఫోర్స్‌మెంట్‌ డైరెక్టరేట్‌ (ఈడీ) అధికారులు ఇవాళ ఉదయం నుంచి సోదాలు నిర్వహిస్తున్నారు. కొవిడ్‌ సమయంలో జరిగిన అవకతవకలు, ఆర్థిక లావాదేవీలకు సంబంధించి దాడులు జరుగుతున్నట్టు తెలుస్తోంది. దిల్లీ నుంచి వచ్చిన నాలుగు ఈడీ బృందాలు ఎన్నారై ఆసుపత్రి, వైద్యకళాశాల, డైరెక్టర్ల నివాసాలు, వారికి సంబంధించిన న్యాయవాదుల ఇళ్లలోనూ ఏకకాలంలో సోదాలు చేస్తున్నారు. గతంలో ఎన్‌ఆర్‌ఐ ఆసుపత్రిలో ఆర్థిక అవకతవకలకు పాల్పడిన ఇద్దరు ఉద్యోగులను పోలీసులు అరెస్టు చేసిన విషయం తెలిసిందే.