Eamcet exam: తెలంగాణలో మే 7 నుంచి 14 వరకు ఎంసెట్‌ పరీక్ష

హైదరాబాద్‌: తెలంగాణ రాష్ట్రంలో ప్రవేశ పరీక్షల తేదీలను ఉన్నత విద్యామండలి ఖరారు చేసింది. మే 7 నుంచి 14 వరకు ఎంసెట్‌(TS Eamcet 2023) పరీక్ష నిర్వహించనున్నారు. 7 నుంచి 11 వరకు ఎంసెట్‌ ఇంజినీరింగ్‌,  12 నుంచి 14 వరకు ఎంసెట్‌ అగ్రికల్చర్‌, ఫార్మా పరీక్ష జరగనుంది. మే 18న (TS Edcet) ఎడ్‌సెట్‌, మే 20న (TS Ecet) ఈసెట్‌, మే 25న (TS LAWCET)లాసెట్‌, పీజీ ఎల్‌సెట్‌,  మే 26, 27న (TS ICET) ఐసెట్‌, మే 29 నుంచి జూన్‌1 వరకు (TSPGECET)పీజీఈసెట్‌ పరీక్షలు నిర్వహించనున్నట్టు ఉన్నత విద్యామండలి తెలిపింది.