TS news: 16 నుంచి రైతు ఖాతాల్లో రుణమాఫీ సొమ్ము

హైదరాబాద్: రాష్ట్ర వ్యాప్తంగా ఆరు లక్షల మంది రైతుల ఖాతాల్లో రూ.2,006 కోట్లు జమ చేయనున్నట్లు మంత్రులు హరీశ్‌రావు, నిరంజన్‌రెడ్డి వెల్లడించారు. రూ.50 వేల వరకు రుణమాఫీ పూర్తి చేయాలని ఇటీవల కేబినెట్‌ నిర్ణయించిన నేపథ్యంలో బ్యాంకర్లతో మంత్రులు సమావేశమయ్యారు. రుణమాఫీ అమలు, రైతుల ఖాతాల్లో నగదు జమ సంబంధిత అంశాలపై చర్చించారు. ఆగస్టు 16 నుంచి రైతుల ఖాతాల్లో రుణమాఫీ మొత్తాన్ని జమ చేయనున్నట్లు మంత్రులు వెల్లడించారు. రుణమాఫీ మొత్తాన్ని బ్యాంకర్లు ఇతర ఖాతా కింద జమ చేయవద్దని, పూర్తిగా రుణమాఫీ ఖాతాలోనే జమ చేయాలని సూచించారు.