Health: పాడైన చిగుళ్లను బాగు చేసుకోవచ్చు..ఎలానో తెలుసా..?

ఇంటర్నెట్‌ డెస్క్‌: చిగుళ్లు బలంగా ఉన్నపుడే పళ్లు బాగుంటాయి. కొంతమందిలో ఆహారపు అలవాట్లతో ఇన్‌ఫెక్షన్లు,ఇతరత్రా జబ్బుల కారణంతో చిగుళ్లు బాగా దెబ్బతింటాయి. ఇలాంటి దానికి మందులతో ఉపయోగం ఉండదు. తప్పనిసరిగా సర్జరీ చేయాల్సిందే. ఈ సర్జరీని ఫ్లాప్‌ సర్జరీ అంటారు. ఈ సర్జరీకి సంబంధించిన పూర్తి వివరాలను అన్నే నీలిమాదేవి తెలిపారు.

సమస్య ఎందుకొస్తుందంటే: పంటి చుట్టూ ఉండే చర్మం దెబ్బతిని ఇబ్బంది పెడితే దానికి ఫ్లాప్‌ సర్జరీ చేయాల్సి వస్తుంది. పంటి మీదున్న ఫ్లాప్‌ను తెరిచి లోపలంతా శుభ్రం చేసి మళ్లీ సమస్య రాకుండా ఎముక పెరిగేలా చేస్తాం. పంటి ఎముక దెబ్బతిన్నపుడు కదలిక వస్తుంది. పన్ను ఊడిపోయే దశ వచ్చిన తర్వాత ఫ్లాప్‌ సర్జరీ చేయాల్సి వస్తుంది. ఒకసారి సర్జరీ చేస్తే మళ్లీ సమస్య రాదు. పళ్లు గార పట్టినా కూడా సర్జరీతో సరి చేయడానికి వీలుంది.