Updated : 05 May 2022 14:57 IST

Rahul Gandhi: రాహుల్‌.. వైట్‌ఛాలెంజ్‌కు సిద్ధమా?: హైదరాబాద్‌లో వెలిసిన ఫ్లెక్సీలు

హైదరాబాద్: నగరంలో రాహుల్‌గాంధీ వైట్ ఛాలెంజ్‌కు సిద్ధమా అంటూ ఫ్లెక్సీలు వెలిశాయి. ట్యాంక్‌బండ్‌, గన్‌పార్క్‌ వద్ద గుర్తు తెలియని వ్యక్తులు వీటిని ఏర్పాటు చేశారు. ఈ నెల 6, 7 తేదీల్లో రాహుల్‌ తెలంగాణలో పర్యటించనున్న నేపథ్యంలో ఈ ఫ్లెక్సీలు కలకలం రేపుతున్నాయి. గతంలో వైట్ ఛాలెంజ్‌పై కాంగ్రెస్, తెరాస నేతల మధ్య మాటల యుద్ధం జరిగింది. హైదరాబాద్ సింగరేణి కాలనీలో బాలికపై హత్యాచారం ఘటన నేపథ్యంలో ఇరు పార్టీల మధ్య సవాళ్ల పర్వం కొనసాగింది.

ఆ సమయంలో రాష్ట్రంలో డ్రగ్స్‌ నిర్మూలనకు ‘వైట్‌ ఛాలెంజ్‌’ పేరిట సవాల్‌ కార్యక్రమాన్ని రేవంత్‌ రెడ్డి ప్రారంభించారు. కేటీఆర్‌, మాజీ ఎంపీ కొండా విశ్వేశ్వర్‌రెడ్డికి ఆయన సవాల్‌ విసిరారు. దీనిపై స్పందించిన కేటీఆర్‌.. ఎలాంటి పరీక్షలకైనా సిద్ధంగా ఉన్నానని తెలిపారు. కాంగ్రెస్‌ తరఫున రాహుల్‌ గాంధీ సిద్ధమేనా అని.. ఆయన ఒప్పుకుంటే దిల్లీ ఎయిమ్స్‌లో పరీక్షలకు సిద్ధమని కేటీఆర్‌ ప్రతిసవాల్‌ విసిరిన విషయం తెలిసిందే. రాహుల్ గాంధీ ఇటీవల నేపాల్‌లోని ఓ పబ్‌లో కనిపించిన నేపథ్యంలో ఈ ఫ్లెక్సీల చర్చనీయాంశంగా మారాయి.


Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని