‘దిశ’ అమలుకు ఇద్దరు అధికారులు

అమరావతి: ఆంధ్రప్రదేశ్‌లో దిశ చట్టం అమలు చేయడానికి ప్రభుత్వం ముందడుగు వేసింది. చట్టం అమలు చేయడానికి ఇద్దరు ప్రత్యేక అధికారులను నియమిస్తూ ప్రభుత్వ ప్రధాన కార్యదర్శి నీలం సాహ్ని గురువారం ఉత్తర్వులు జారీ చేశారు. ఐఏఎస్ అధికారి కృతికా శుక్లా, ఐపీఎస్ అధికారి దీపికలను ప్రత్యేకాధికారులుగా నియమిస్తూ ఆదేశాలు ఇచ్చారు. మహిళా శిశు సంక్షేమశాఖ డైరెక్టర్‌గా ఉన్న కృతికా శుక్లా ప్రస్తుతం ఆదే పోస్టులో దిశ చట్టం అమలును పర్యవేక్షించనున్నారు. దీపిక డీజీపీ కార్యాలయంలోని సీఐడీ విభాగం నుంచి ఈ చట్టం అమలును పర్యవేక్షించనున్నారు.