నక్కినా.. చిక్కింది!

జయశంకర్‌ భూపాలపల్లి జిల్లా మహదేవపూర్‌ మండలంలోని పల్గుల గ్రామానికి సమీప అటవీ ప్రాంతంలోని నీటి గుంతలో నక్కిన భారీ మొసలి ఇది. గొర్రెల కాపరులు ఆదివారం దాన్ని గుర్తించారు. వారిచ్చిన సమాచారం మేరకు చుట్టుపక్కల గ్రామాల ప్రజలు అక్కడికి చేరుకోగా, ఆ అలికిడికి అది పక్కనే ఉన్న పొదల్లోకి జారుకుంది. దాన్ని గుర్తించేద]ుకు అటవీశాఖ అధికారులు, పోలీసులు దాదాపు రెండు గంటలపాటు శ్రమించారు. ఎట్టకేలకు బంధించారు. కాళేశ్వరం ప్రాజెక్టు పరిధిలో గోదావరి నదిలో ప్రవాహం తగ్గడంతో మొసళ్లు బయటకు వస్తున్నాయని, మత్స్యకారులు, పరీవాహక ప్రాంతాల రైతులు అప్రమత్తంగా ఉండాలని అధికారులు హెచ్చరిస్తున్నారు.