శిల్పారామంలో సంక్రాంతి సంబరాలు

హైదరాబాద్‌: నగరంలోని శిల్పారామంలో ముప్పవరపు ఫౌండేషన్‌ ఆధ్వర్యంలో సంక్రాంతి సంబరాలను ఘనంగా నిర్వహించారు. ఈ కార్యక్రమానికి ఉప రాష్ట్రపతి వెంకయ్య నాయుడు దంపతులు, కేంద్ర మంత్రి కిషన్‌రెడ్డి, గవర్నర్లు తమిళిసై సౌందరరాజన్‌, దత్తాత్రేయ, హైకోర్టు ప్రధాన న్యాయమూర్తి జస్టిస్‌ ఆర్‌.ఎస్‌.చౌహాన్‌, మంత్రి శ్రీనివాస్‌గౌడ్‌, ఎంపీ సుజనాచౌదరి, ఈనాడు ఎండీ సీహెచ్‌ కిరణ్‌, మార్గదర్శి ఎండీ శైలజా కిరణ్‌, సినీ ప్రముఖులు మహేశ్‌బాబు, వెంకటేశ్‌, రాఘవేంద్రరావు, సురేశ్‌బాబు, అల్లు అరవింద్‌, తనికెళ్ల భరణి, జొన్నవిత్తుల తదితరులు హాజరయ్యారు. ఫౌండేషన్‌ తరఫున వివిధ రంగాల్లో విశేష సేవలు అందించిన వారికి అవార్డులతో సత్కరించారు. ఈ సందర్భంగా ఉప రాష్ట్రపతి వెంకయ్య నాయుడు మాట్లాడుతూ మన సంస్కృతిలో భాగమైన పండుగలను మరవకూడదన్నారు. అమృతం వంటి అమ్మ భాష తెలుగును మర్చిపోవద్దని సూచించారు. ఈ కార్యక్రమంలో భాగంగా ప్రదర్శించిన సాంస్కృతిక కార్యక్రమాలు అలరించాయి.

ఫొటోగ్యాలరీ కోసం క్లిక్‌ చేయండి