రాజధాని ఉద్యమంలో ఆగిన మరో గుండె

అమరావతి: ఆంధ్రప్రదేశ్‌ ప్రభుత్వం మూడు రాజధానుల ప్రతిపాదనతో అమరావతి అట్టుడుకుతోంది. అమరావతిలోనే రాజధాని కొనసాగించాలంటూ ప్రజలు ఆందోళనబాట పట్టారు. గత కొన్ని రోజులుగా జరుగుతున్న ఈ ఉద్యమం నేపథ్యంలో శుక్రవారం ఓ మహిళా రైతు కూలీ గుండె ఆగింది. ఈ పోరాటంలో పాల్గొన్న వెంకటపాలెం గ్రామానికి చెందిన నందకుమారి గుండెపోటుతో ప్రాణాలు కోల్పోయారు. రాజధాని తరలిపోతుందనే ఆందోళనతోనే ఆమె గుండెపోటుకు గురై మరణించినట్టు కుటుంబ సభ్యులు తెలిపారు. రాజధాని కోసం రైతుల పోరాటంలో ఇప్పటిదాకా దాదాపు 10 మందికి పైగా రైతులు, రైతు కూలీలు ప్రాణాలు కోల్పోయారు.