రాజధాని గ్రామాల్లో స్థానిక ఎన్నికల్లేవ్‌!

రాజధాని గ్రామాలను మినహాయించాలని ఈసీకి పంచాయతీరాజ్‌ శాఖ లేఖ

అమరావతి: రాజధాని ప్రాంత గ్రామాల్లో స్థానికసంస్థల ఎన్నికలపై నీలినీడలు కమ్ముకున్నాయి.  రాజధానిపై ఆందోళనలు కొనసాగుతున్న నేపథ్యంలో రాజధాని గ్రామాలను స్థానిక సంస్థల ఎన్నికల నుంచి మినహాయించాలని ఎన్నికల సంఘానికి ఏపీ పంచాయతీరాజ్‌ శాఖ ముఖ్య కార్యదర్శి గోపాల కృష్ణ ద్వివేది లేఖ రాశారు. రాజధాని గ్రామాలను ప్రత్యేక కార్పొరేషన్‌గా గుర్తించాలని, ఇతర మున్సిపాలిటీల్లో విలీనం చేయాలని ప్రతిపాదనలు పంపారు. యర్రబాలెం, బేతపూడి, నవులూరును మంగళగిరి పురపాలికలో కలపాలని, పెనుమాక, ఉండవల్లి గ్రామాలను తాడేపల్లిలో కలపాలని ప్రతిపాదించారు. మిగిలిన గ్రామాలన్నింటినీ కలిపి అమరావతి కార్పొరేషన్‌గా ఏర్పాటు చేయాలన్నారు. ఈ మేరకు ఎన్నికల సంఘానికి లేఖ రాశారు. దీనిపై ఎన్నికల సంఘం నిర్ణయం కీలకం కానుంది.