రికార్డ్ బద్దలు కొట్టిన ‘1995 కేజీల’ కిచిడీ

సిమ్లా: హిమాచల్ ప్రదేశ్‌ రాష్ట్రంలోని తట్టపాణి గ్రామంలో మకర సంక్రాంతి సందర్భంగా జరిగిన అన్నదాన కార్యక్రమంలో  1995 కేజీల కిచిడీని హాలిడే హోమ్‌ హోటల్‌ చెఫ్‌లు తయారు చేసి ఔరా అనిపించారు. 275కిలోల బరువు ఉన్న భారీ పాత్రలో తయారు చేసిన ఈ కిచిడీ గిన్నీస్‌ బుక్‌ ఆఫ్‌ వరల్డ్‌ రికార్డ్స్‌లో చోటు సంపాదించుకుంది. మొత్తం 25 మంది చెఫ్‌లు కలిసి కచిడీని తయారు చేశారు. దీంతో గత ఏడాది ప్రముఖ చెఫ్‌ సంజీవ్‌ కపూర్ తయారు చేసిన 918 కేజీల కిచిడీ రికార్డ్‌ బద్దలైంది. ఇంత మొత్తంలో కిచిడీని రూపొందించడానికి సమారు ఐదు గంటల సమయం పట్టిందని నిర్వాహకులు తెలిపారు. సంక్రాంతి పండుగను పురస్కరించుకొని 1926 నుంచి తట్టపాణి గ్రామంలో సట్లెజ్‌ నదీ స్నానానికి వచ్చే భక్తులకు అన్నదాన కార్యక్రమాన్ని సంప్రదాయంగా నిర్వహిస్తున్నారు.